दोहा :
Doha:
श्रीगुरु चरन सरोज रज, निज मनु मुकुरु सुधारि।
Shri guru charan saroj raaj, Nij Man Mukar Sudhaari,
बरनऊं रघुबर बिमल जसु, जो दायकु फल चारि।।
Barnau Raghuvar Bimal Jasu, Jo dayakoo Phal Chaari
बुद्धिहीन तनु जानिके, सुमिरौं पवन-कुमार।
Budhi heen Tanu Janike, Sumirow, Pavan Kumar,
बल बुद्धि बिद्या देहु मोहिं, हरहु कलेस बिकार।।
Bal Buddhi Vidya Dehu Mohi, Harahu Kalesh Bikaar
चौपाई :
Chupai:
जय हनुमान ज्ञान गुन सागर। जय कपीस तिहुं लोक उजागर।।
Jai Hanuman Gyan Guna Sagar,Jai Kapis Tihoo Lok Ujgaar
रामदूत अतुलित बल धामा। अंजनि-पुत्र पवनसुत नामा।।
Ramdoot Atulit Bal Dhamaa,Anjani Putra Pavansoot naamaa.
महाबीर बिक्रम बजरंगी। कुमति निवार सुमति के संगी।।
Mahebeer Bikram Bajrangi,Kumati Nivaar Sumati Ke Sangi.
कंचन बरन बिराज सुबेसा। कानन कुंडल कुंचित केसा।।
Kanchan Baran Biraaj Subesaa,Kanan kundal kunchit kesa.
हाथ बज्र औ ध्वजा बिराजै। कांधे मूंज जनेऊ साजै।
Hath Bajra Aur Dhvaja Birjai,Kaandhe Moonj Janeu saaje.
संकर सुवन केसरीनंदन। तेज प्रताप महा जग बन्दन।।
Shankar Suvna Kesari Nandan,Tej Pratap Maha Jag bandan.
विद्यावान गुनी अति चातुर। राम काज करिबे को आतुर।।
Vidyavaan Guni Ati Chaatur,Ram Kaaj Karibe Ko Aatur
प्रभु चरित्र सुनिबे को रसिया। राम लखन सीता मन बसिया।।
Prabhu Charittra Sun ibe Ko Rasia,Ram Lakhan Sita man basia.
सूक्ष्म रूप धरि सियहिं दिखावा। बिकट रूप धरि लंक जरावा।।
Sukshma roop Dhari Siyahi Dikhwana,Bikat roop Dhari Lank Jarawa
भीम रूप धरि असुर संहारे। रामचंद्र के काज संवारे।।
Bhim roop Dhari Asur Sanhare,Ramchandr Ke kaaj Sawaare.
लाय सजीवन लखन जियाये। श्रीरघुबीर हरषि उर लाये।।
Laye Sajivan Lakhan Jiyaye,Shri Raghubir harashi ur laye.
रघुपति कीन्ही बहुत बड़ाई। तुम मम प्रिय भरतहि सम भाई।।
Raghupati Kini Bahut Badhayi,Tum Mama Priya Bharat Sam Bahi.
सहस बदन तुम्हरो जस गावैं। अस कहि श्रीपति कंठ लगावैं।।
Sahastr Badan Tumharo Jas Gaave,Asa kahi Shripati Kanth Laagave.
सनकादिक ब्रह्मादि मुनीसा। नारद सारद सहित अहीसा।।
Sankadik Brahmadi Munisa,Narad Sarad Sahit Ahisa
जम कुबेर दिगपाल जहां ते। कबि कोबिद कहि सके कहां ते।।
Jam Kuber Digpal Jahan Te,Kabi Kobid Kahin Sake Kahan Te
तुम उपकार सुग्रीवहिं कीन्हा।राम मिलाय राज पद दीन्हा।।
Tum Upkar Sugrivahi Keenha,Ram Miali Rajpad Dinha
तुम्हरो मंत्र बिभीषन माना।लंकेस्वर भए सब जग जाना।।
Tumharo Mantro Bibhishan Maana,Lankeshwar Bhaye Sab Jag Jaana.
जुग सहस्र जोजन पर भानू। लील्यो ताहि मधुर फल जानू।।
Jug Sahastra Jojan Par Bhaanu,Leelyo Taahi Madhur Phal Jaanu
प्रभु मुद्रिका मेलि मुख माहीं। जलधि लांघि गये अचरज नाहीं।।
Prabhu Mudrika Meli Mukha Maahin,Jaladhi Langhi Gaye Acharaj Nahin.
दुर्गम काज जगत के जेते। सुगम अनुग्रह तुम्हरे तेते।।
Durgam Kaaj Jagat Ke Jaete,Sugam Anugrah Tumhre Te Te.
राम दुआरे तुम रखवारे। होत न आज्ञा बिनु पैसारे।।
Ram Duware Tum Rakhvare,Hot Na Aagya Bin Paisare.
सब सुख लहै तुम्हारी सरना। तुम रक्षक काहू को डर ना।।
Sab Sukh Lahen Tumhari Sarna,Tum Rakshak Kaahu Ko Darnaa.
आपन तेज सम्हारो आपै। तीनों लोक हांक तें कांपै।।
Aapan Tej Samharo Aape,Tanau Lok Hank Te Kanpe
भूत पिसाच निकट नहिं आवै। महाबीर जब नाम सुनावै।।
Bhoot Pisaach Nikat Nahi Ave,Mahabir Jab Naam Sunave.
नासै रोग हरै सब पीरा। जपत निरंतर हनुमत बीरा।।
Nasei Rog Hare Sab Peera,Japat Niranter Hanumant Beera
संकट तें हनुमान छुड़ावै। मन क्रम बचन ध्यान जो लावै।।
Sankat Te Hanuman Chhudave,Man Kram Bachan Dhyan Jo Lave.
सब पर राम तपस्वी राजा। तिन के काज सकल तुम साजा।
Sub Par Ram Tapasvi Raaja,Tinke Kaaj Sakal Tum Saaja
और मनोरथ जो कोई लावै। सोइ अमित जीवन फल पावै।।
Aur Manorath Jo Koi Laave,Soi Amit Jivan Phal Paave.
चारों जुग परताप तुम्हारा। है परसिद्ध जगत उजियारा।।
Charo Jug Partap Tumhara,Hai Parsidh Jagat Ujiyara.
साधु-संत के तुम रखवारे। असुर निकंदन राम दुलारे।।
Sadho Sant Ke Tum Rakhvaare,Asur Nikandan Ram Dulaare.
अष्ट सिद्धि नौ निधि के दाता। अस बर दीन जानकी माता।।
Asht Siddhi Nau Nidhi Ke Daata,Asa Bar Din Janki Maata.
राम रसायन तुम्हरे पासा। सदा रहो रघुपति के दासा।।
Ram Rasayan Tumhare Paasa,Sadaa Raho Raghupati Ke Daasa.
तुम्हरे भजन राम को पावै। जनम-जनम के दुख बिसरावै।।
Tumhare Bhajan Ramko Paave.Janam Janam Ke Dukh Bisraave.
अन्तकाल रघुबर पुर जाई। जहां जन्म हरि-भक्त कहाई।।
Ant Kaal Raghubar Pur Jayi,Jahan Jaanm Hari Bhakta Kahayi.
और देवता चित्त न धरई। हनुमत सेइ सर्ब सुख करई।।
Aur Devata Chitt Na Dharai,Hanumant Sei Sarva Sukh Karai
संकट कटै मिटै सब पीरा। जो सुमिरै हनुमत बलबीरा।।
Sankat Kate Mitey Sab Peera,Jo Sumirei Hanumant Balbeera
जै जै जै हनुमान गोसाईं। कृपा करहु गुरुदेव की नाईं।।
Jai Jai Jai Hanuman Gosai Kripa Karahu Gurudev Ki Naiee
जो सत बार पाठ कर कोई। छूटहि बंदि महा सुख होई।।
Jo Sat Baar Paath Kar Koi,Chhutahi Bandi Maha Sukh Hoi.
जो यह पढ़ै हनुमान चालीसा। होय सिद्धि साखी गौरीसा।।
Jo Yah Parhe Hanuman Chalisa,Hoy Siddhi Saakhi Gaurisa
तुलसीदास सदा हरि चेरा। कीजै नाथ हृदय मंह डेरा।।
Tulsidas Sada Hari Chera,Keeje Nath Hriday Mah Dera.
दोहा :
Doha:
पवन तनय संकट हरन, मंगल मूरति रूप।
Pavan Tanay Sankat Haran, Mangal Murti Roop.
राम लखन सीता सहित, हृदय बसहु सुर भूप।।
Ram Lakhan Sita Sahit, Hriday Basahu Sur Bhoop